شوفي ويش يصييييييير في مجالس الحريم

اقول والله المعين على مجالس الحريم ويش يصير فيها من غثى

كنت مررره بخرجة فيها جمعة حريم من ساعة ما دخلت عندهم وهم يتكلمون عن هالفرش ويش لون نغيره

وثانيه قالت والله ابو محمد ما ودوا يسفرنا بره زي كل الخلق وهي تتكلم كانه هموم الدنيا فوق راسها لنه ما سفرها

وثانية قالت عاد تدرون ام خالد ماهي بذينه وقعدت تحش فيا كل الليل

وثانية منهم غثتنا وهي تتكلم عن بيتها ويش لون تغيره اوووووووو على الحريم وسوالفهم


والله معاد ابي ادخل مجالس من هالنوع تخرجين من عندهم وصدرك ضايق منهم ومن سوالفهم اما غيبة وأكل في لحوم الناس واما هرج فاضي ولو قلتيلهم خلنا نستفيد شوي قالوا ما ودنا تقلبيناها دين ومحاضرة
خلينا نستانس ونغير من ضيقة البيت

وتردين البيت وانت محملة بالهموم والذنوب



ولو رحتي مجالس الذكر انشرح صدرك وتحسين الدنيا بخيييييير ياربي لا تحرمنا من هالمجالس الزينة ....... وانا عاهدت ربي
ما عاد ادخل مجالس من هالنوع ان شاء الله كلها هرج ومضيعة للوقت

يالله .. أسأل الله أن يغفر لنا ..
وان يبعد عنا القيل والقال ..

فعَنْ عَبْد ِاللَّهِ بْنِ عَبَّاسٍ قال قال رسول الله صلى الله عليه وسلم : ( َأُرِيتُ النَّارَ فَلَمْ أَرَ مَنْظَرًا كَالْيَوْمِ قَطُّ أَفْظَعَ وَرَأَيْتُ أَكْثَرَ أَهْلِهَا النِّسَاءَ ) قَالُوا : بِمَ يَا رَسُولَ اللَّهِ؟ قَالَ : ( بِكُفْرِهِنَّ ) قِيلَ : يَكْفُرْنَ بِاللَّهِ ، قَالَ : ( يَكْفُرْنَ الْعَشِيرَ وَيَكْفُرْنَ الإِحْسَانَ لَوْ أَحْسَنْتَ إِلَى إِحْدَاهُنَّ الدَّهْرَ كُلَّهُ ثُمَّ رَأَتْ مِنْكَ شَيْئًا قَالَتْ مَا رَأَيْتُ مِنْكَ خَيْرًا قَطُّ ) رواه البخاري 1052 .

:(

ما أحلى مجالس العلم والعلماء ومجالس الذكر والقران

شتان بين مجالس ذكر فيها لغو الحديث من غيبة ونميمة وذكر لأعراض الناس

وبين مجالس ذكر فيها اسم الله


اسأل الله ان ينير قلبك ويجمعك بالصالحين

أكيد مجالس الذكر تشرح الصدر

مجالس الذكر الحمد لله

هم القوم لا يشقي بهم جليسهم :D