يا بوي يا امي يابعد كل هالناس
يا قلب ينبض بالمحبة والأحساس
يا من غلاكم في حياتي حياتي
يسري بصدري مثل ترديد الأنفاس
*********** :flower:
لو قلتلك يا بوي عمري هدية
واقدمه لجلك براحة يديّا
ما ظن بوفي ربع فضلك عليّا
لأنك عطيت الحب من غير مقياس
*********** :cheers:
أمي حنانك في عروقي ودمي
وأن شفتك أنسى كل ضيقي وهمي
وأن قلت أنا أمي وأمي وأمي
تتبسم أيامي ولا أحس باليآس
***********
علمتني يابوي معنى السعاده
وأهديتني من طيب قلبك قلاده
فيك الوفاء يلقى وطنه وبلاده
وأنت الوطن لـ عشت له رافع الراس
***********
أمي يا وجه النور والضي والخير
بيديك سنيني ياسنيني غدت غير
مهما كبرت أبقى وسط عينك صغير
وأبقى بقلبك غير عن كل هالناس
*********** :bounce:
لا حرمني الله من غلاكم ومنكم
والله يبعد ضيق الأيام عنكم
بدعي عسى الرحمن دوم يحفظكم
يا بهجة الدنيا ويا كل الأحساس
*********** :cyclops:
