مشكلتي مع زوجي -الله يطول بعمره- انه مره يزعل وبدون سبب او لاسباب من وجهة نظري ما تسوى الزعل يعني لدرجة صرت اتوقع زعله من نبرة صوته
بصراحه ما يهون علي اخليه يزعل ولازم اراضيه حتى لو يغلط علي انا ارجع استسمحه واعتذر
ما اعرف اللي اسويه صح او غلط يعني هل يعتبر ضعف مني اني اعتذر له والا هذا واجبي كزوجه لازم اسويه
يمكن انا عودته ع هالشي بس ابي اغيره فيه لاني تعبت
احيانا اعاند ولا اكلمه ايام مع ان ضميري يعذبني بس بداخلي اقول انا لي كرامة ولازم يعرف قدري زين بس بالنهايه ارجع واراضيه( ما يهون ابو العيال)
وايضا عيالي السبب لاني اعتذر له لان ما ابيهم يحسوا بخلافاتنا
اعترف اني مره اوسوس واعوذ بالله من الوسوسه دائما اذا زعل وخليته اجلس افكر باشياء
مثلا اقول اخاف ينام وهو غاضب مني وتلعني الملائكة
اخاف انام ما اصحى بعدها كيف بيعيش بعدي وهو غلط علي ما اريده يعيش بعذاب الضمير
اخاف الله ياخذ امانته_وعسى يومي قبل يومه_ وهو عاضب
ويش رايكم الحل مع زوجي؟؟؟؟؟
